न्यूजमधेश डेस्क
सर्लाही ,११ चैत्र । नेपाल विद्युत प्राधिकरण वितरण केन्द्र मलंगवाले विद्युत चोरीमा संलग्न कबिलासीका १३ जनालाई नियन्त्रणमा लिई जरिवाना तिराइ छोडेको छ ।
जिल्लामा भइरहेको बिधुत चोरी नियन्त्रण गर्ने उद्देश्यले मलंगवा वितरण केन्द्रले गत आइतबार बाट सुरु गरेको अभियान अन्तर्गत बुधबार चौथो दिन १३ जना ब्यक्तिहरुलाई नियन्त्रणमा लिएर एकपटकको लागि जनही ११ हजार रुपैयाँ जरिवाना तिराइ छाडेको वितरण केन्द्र मलंगवाका उप प्रबन्धक बिनोद यादवले बताए ।
उपप्रबन्धक यादवका अनुसार वितरण केन्द्रबाट इन्जिनियर रामानन्द सिंह , नेपाल प्रहरीबाट प्रहरी सहायक निरिक्षक पल्टु ठाकुर र सशस्त्र प्रहरीबाट सशस्त्र प्रहरी बरिस्ठ हवल्दार रण बहादुर सलामीको नेतृत्वमा गएका टोलीले कबिलासी न.पा को सिरसिया, अगर्वा, किशनपुर र कबिलासी गाउँबाट गरि १३ जनालाई पोलबाट हुकिङ्ग गरि बिजुली चोरी गरिरहेको अवस्थामा उनीहरुको घरबाटै नियन्त्रणमा लिएको हो ।
टोलीले तीनवटा पानी तान्ने मोटर समेत नियन्त्रणमा लिएको छ ।
