न्यूजमधेश सम्बादाता
बारा,२फाल्गुण।बारा प्रहरीले लागुऔषध सहित दुई जना भारतीय नागरिकलाई पक्राउ गरेको छ ।
पक्राउ पर्नेमा भारत बिहार जिल्ला मोतिहारी थाना हरसिद्धी पोष्ट मुरारपुर ग्राम पंचायत मुरारपुर वडा नं.४ बस्ने बर्ष २१ का चन्दन कुमार र भारत बिहार जिल्ला मोतिहारी थाना मोतिहारी रामसिंह छतौनी ग्राम पंचायत वडा नं.३ बस्ने बर्ष २४ को मुकेश साह तेली रहेका छन् ।
कलैया उपमहानगरपालिका वडा नं.१० मटिअर्वा टोल स्थित कलैया मटिअर्वा सडक खण्डमा प्रहरी चौकी मटिअर्वा बाराबाट प्रहरी नायब निरिक्षक लक्ष्मण पाठकको कमाण्डमा खटिएको प्रहरी टोलीले उनीहरुलाई पक्राउ गरेको थियो ।
सवारी साधन चेकजाच गर्ने क्रममा भारतको आदापुर तर्फबाट कलैयाको लागि आउदै गरेको ना.२ ह ३६१४ नम्बरको अटोलाई रोकी अटोमा सवार यात्रीहरुलाई ओराली चेकजाच गर्दा सोही अटोमा सवार दुई जनालाई पक्राउ गरेको जिल्ला प्रहरी कार्यालय बाराका प्रबक्ता गौतम मिश्रले जानकारी दिनुभयो ।
पिठ्युमा बोक्ने कपडाको झोला भित्र पत्रिकामा बेरी माथीबाट टेप लगाई लुकाई छिपाई राखेको अवस्थामा ७/७ पोका गरी नुर्फिन २ एम.एल. को १४ पोका ,डाईजोपाम २ एम.एल.को ७ सय पिस गरी जम्मा २१०० पिस लागुऔषध पक्राउँ गरेको थियो ।
बारा जिल्ला अदालतबाट लागु औषध मुद्दामा पहिलो पटक दिन ५ (पाँच) को म्याद अनुमति लिई हिरासतमा राखि थप अनुसन्धान कार्य भई रहेको जिल्ला प्रहरी कार्यालय बाराले जनाएको छ ।
