राजेश शर्मा/मनोज बनैता, बिराटनगर, १० बैशाख । देश अहिले निरंतर लक डाउन को अवस्था बाटै गुज्रिरहेको छ । त्यहीं दिनदिनै कोरोना भाईरस कोबिड 19 संक्रमितहरुको संख्या बढ्दै गरिरहेको अवस्था पनि छ । त्यहीं सिमावर्ति क्षेत्रको स्थानिय लगायत दशगजा क्षेत्रमा बसोबास गर्नेहरुले गम्भीरता पुर्वक न लीइरहेको र जन चेतनाको कमिको कारण थप जोखिम निम्तिने सम्भावना प्रवल रहेको सोझै अनुमान गर्न सकिन्छ ।
नेपाल भारत सिमा क्षेत्र बिराटनगर १६ नम्बर वडाको दरैया बस्ती मा बसोबास गर्ने र दशगजामा बसेकाहरुले केहि आर्थिक लाभ को चक्करमा जन चेतनाको कमिले रात्रि को समयमा खटिएका सुरक्षा कर्मिहरुलाई भारत तर्फ़ बाट गुलेली र खाली बोतल प्रहार गर्ने गरेको र सिमामा खटेका सुरक्षा कर्मिहरुलाई छल्दै वारी पारी गर्ने केहि व्यक्तिहरुले गर्दा सशस्त्र प्रहरीहरु कडा रुपमा प्रस्तुत भएको छ।
त्यस्ता तत्वहरुलाई निरुत्साहित गर्न सशस्त्र प्रहरी बल नेपाल नं. ९ गुल्म हेक्वा. (राजस्व तथा भन्सार सुरक्षा गस्ति) रानी र सशस्त्र प्रहरी बल बॉर्डर आउट पोस्ट बखरीले नियमित ड्युटीलाई थप कडाई गरेको छ।
लागु औषध पोईन्ट को रूपमा समेत चिनिने भरतको टिकुलियाबस्ती वारी नेपालको खुला सिमाना रहेको दरैया बस्ती देखि मोरङ सुनसरी को सिमाना केशलिया खोला सम्मको क्षेत्रमा सशस्त्र प्रहरी बल बॉर्डर आउट पोस्ट बखरी ले थप दुई हाईट पोस्ट को निर्माण थालेको छ । हाईट पोस्ट बाट दुरबिन को सहायताले सिमावर्ति क्षेत्रमा निगरानी गर्न सजिलो हुने र आपराधिक गतिविधिगर्नेहरुलाई बिशेस निगरानी गर्न सकिने कुरा सशस्त्र प्रहरी बल बॉर्डर आउट पोस्ट बखरी प्रमुख स.प्र.नि. हरि शाही ले बताउनुभयो ।
अहिले स.प्र.ना.नि. मिन बहादुर दर्जी को नेतृत्वमा २५ जना को टोलीले दरैया बस्ती देखि केशलिया खोला सम्ममा दसगजा नजिकै दुई पोस्ट बनाई चौबीसै घण्टा निगरानी गरिरहेका छन त्यहीं सशस्त्र प्रहरी बल नेपाल नं. ९ गुल्म हेक्वा. (राजस्व तथा भन्सार सुरक्षा गस्ति) रानी र इलाका प्रहरी कार्यालय रानीको सुरक्षाकर्मीहरु पनि बिराटनगर भन्सार कार्यालय रानी देखि दरैया बस्ती लगायत ईस्लामपुर र मटियरुवामा कडा निगरानी गरिरहेको छ ।
