न्यूजमधेश डेस्क
जनकपुरधाम, १६ माघ।प्रदेश २ का महोत्तरी जिल्लाको भंगहा नगरपालिका वडा नम्बर ७ मेघनाथ गोरहन्नामा प्रसुति सेवा केन्द्र सञ्चालनमा आएको छ । गर्भवती महिलाहरुलाई सुरक्षित रुपमा शिशु जन्माउन प्रसुति सेवा केन्द्र (बर्थिंग) सेन्टर भंगहा नगरपालिकाद्वारा संचालनमा आएको हो ।
प्रसुति सेवा केन्द्रको शुक्रबार बिहान एक समारोह बीच भंगहा नगरपालिकाका मेयर संजिव साहले उदघाटन गरेका छन् ।
उदघाटन गदै मेयर साहले अब सुरक्षित प्रसुतिका लगि बाहिर जानैपर्ने बाध्यताको अन्त्य भएको बताए । उनले आमाहरु घरमा जोखिमपूर्ण रुपमा नभइ सुरक्षित रुपमा शिशुलाई जन्मदिन प्रसुति सेवा केन्द्रमा आउन तथा समयमा चेकजाँच समेत गराउन आग्रह गरे ।
कार्यक्रमा भंगहा नगरपालिका प्रमुख प्रशासकीय अधिकृत धर्मानन्द जोसी, वडा नं. ७ का वडाध्यक्ष बासुदेव सिंह, स्वास्थ्य संयोजक योगेन्द्र चौधरी लगायतको उपस्थिति रहेको थियो ।
