न्यूजमधेश डेस्क
सिरहा,९ बैशाख । मिर्चैयाका शिवकुमार यादवको हत्या आरोपमा पक्राउ परेका दुई जना अभियुक्तलाई जिल्ला अदालत सिरहाले पुर्पक्षका लागि कारागार चलान गरेको छ ।
जिल्ला अदालतले हत्या आरोपमा मिर्चैया नगरपालिका–७ निवासी २७ वर्षीय विष्णु यादव र मिर्चैया ९ निवासी २४ वर्षीय इन्द्रदेव यादवलाई पुर्पक्षका लागि कारागार चलान गरेको अदालतले जनाएको छ ।
मिर्चैया नगरपालिका–७ लिकटोलका २४ वर्षीय शिवकुमार यादवको हत्या गरी मिर्चैया नगरपालिका–१ स्थित पूर्वपश्चिम राजमार्ग छेउको आँपको बगैँचामा शव फेला परेको थियो ।
शिवकुमारको हत्या भएको करिब पाँच दिनपछि प्रहरीले दुबैलाई सार्वजनिक गरी अपहरण तथा कर्तव्य ज्यान कसुरमा मुद्दा चलाएको थियो ।
शिवकुमारको हत्या आफूहरूले नै गरेको प्रहरीसमक्ष बयान दिएका थिए ।
