न्यूजमधेश डेस्क
सिरहा,१३ बैशाख । जतिसुकै प्रयास गर्दा पनि केही सिप नलागे पछि मान्छेले आत्महत्याको प्रयास गर्छ । त्यस्तै भएको एउटा घटना भएको छ सिरहा जिल्लामा पनि । त्यहाँका एक पुरुषले उपचार गर्ने पैसा नभएर विष सेवन गरी आत्महत्या प्रयास गरेका छन् ।
जिल्लाको कर्जन्हा नगरपालिका ११ का ४३ वर्षीय श्यामकुमार महतोले शनिबार दिउँसो विष खाएका हुन् । उनी विगत केही समयदेखि ब्लड क्यान्सरबाट पीडित छन् ।
उपचार गराउँदै आए पनि हालसम्म ठीक नभए र थप उपचार गर्न रकम नभएका कारण उनले तरकारीमा छर्ने विषादी खाएको प्रहरीले जनाएको छ ।
उनको कर्जन्हास्थित फूलकुमारी महतो मेमोरियल अस्पतालमा उपचारपछि अहिले गोलबजारस्थित एक अस्पातालमा उपचार भइरहेको इलाका प्रहरी कार्यालय मिर्चैयाका डिएसपी राजेन्द्र श्रेष्ठले बताए ।
