न्यूजमधेश डेस्क
जनकपुरधाम ,८ जेष्ठ । नेकपा ( माओवादी केन्द्र )ले प्रतिनिधि सभा विघटन गर्ने कार्यलाई राष्ट्रघाती कदम भनेको छ।
शनिबार माओवादी अध्यक्ष पुष्पकमल दाहालले प्रेस वक्तव्य जारी गरी प्रतिनिधि सभा विघटन गर्ने कार्यको विरोध गरेको छ। यसको विरुद्ध संघर्ष गर्ने जनाउँदै दाहालले वक्तव्यमा भनेका छन्, “हाम्रो पार्टी राष्ट्रपति र प्रधानमन्त्रीको मिलेमतोमा भइरहेको यस प्रकारको असंवैधानिक, अलोकतान्त्रिक, निरंकुश, प्रतिगामी एवं राष्ट्रघाती कदमको विरुद्ध कानूनी र राजनीतिक सबै प्रकारका संघर्ष गर्न प्रतिबद्ध छ।”
गत ५ पुसमा गरिएको प्रतिनिधि सभाको विघटनको घोषणाकै कडी भएको जनाएको छ। कांग्रेस सभापति शेरबहादुर देउवाको पक्षमा बहुमत हुँदाहुँदै पनि प्रधानमन्त्री ओलीसँग मिलेर राष्ट्रपतिले प्रतिनिधि सभा विघटन गरेको माओवादीको भनाइ छ।
