न्यूजमधेश डेस्क
काठमाडौं ,२१ जेष्ठ । प्रधानमन्त्री केपी शर्मा ओली र सरकारविरुद्ध आइलाग्नेलाई अब युवा संघले ठाउँको ठाउँ जवाफ दिने भएको छ ।
युवा संघका केन्द्रीय ईन्चार्ज महेश बस्नेतले देशैभरी जवाफ दिन संगठनसम्बद्ध युवाहरुलाई निर्देशन दिएका बेला प्रदेश २ को कमाण्ड केन्द्रीय उपाध्यक्ष एवं प्रदेश इन्चार्ज सञ्जीव झा सुरजले सम्हालेका छन् । उनले प्रदेश कमिटीमा आबद्ध पदाधिकारी तथा युवा नेता कार्यकर्तालाई मैदानमा उत्रिन आह्वान गरेका छन् ।
‘सम्मानीय प्रधानमन्त्री केपी ओली, नेकपा (एमाले) र नेपाल सरकार र हाम्रो इन्चार्ज (महेश बस्नेत) विरुद्ध आई लाग्नेहरुलाई अरिङ्गाल झै जाई लाग्न राष्ट्रिय युवा संघ नेपाल प्रदेश २ लाई निर्देशन गरिँदैछ,’ सुरजले भनेका छन्, ‘साथै सरकारले गरेको देश हित र बिकासको कामलाई तल तल जनतासम्म संचार माध्यम र समाजिक संजालमार्फत प्रचार प्रसार गर्न निर्देशन गरिएको छ।
साथै कोभिड बिरुद्द तपाईहरुले फिल्डमा गरिरहेको सेबामुलक कामहरुको लागि विशेष धन्यवाद दिन चाहन्छु ।’ झा को निर्देशनसँग प्रदेश २ का कमिटीहरु मैदानमा उत्रिएका छन् ।
सरकारको अनावश्यक विरोध गर्नेहरुविरुद्ध युवाहरु प्रतिवाद गर्न परिचालित भएका छन् ।
