न्यूजमधेश डेस्क
जनकपुरधाम ,३० असार। प्रदेश २ का अस्थायी राजधानी जनकपुरधामस्थित रहेका जानकी बृद्धाश्रममा अन्नपूर्ण रियल स्टेटले खाद्यान्न सामग्री सहयोग गरेको छ ।
बुधबार अन्नपूर्ण रियल स्टेटका संचालक दिनेश साहको अध्यक्षतामा एक कार्यक्रम विच खाद्यान्न सामग्री सहयोग गरको हो ।बृद्धाश्रममा रहेका २० जना बृद्ध आमाहरुका लागि सो संस्थाका संचालन साहले खाद्यान्न सामग्री सहयोग गरेको हो ।
बृद्धाश्रममा १५ बोरा चामल, १ बोरा दाल, नून १ बोरा, आलु २ बोरा, प्याज १ बोरा, तेल ३० लिटर, खुर्सानी, धनिया तथा बेसारको मसाला १÷१ केजी, जिरा २ केजी, पानी, फ्रुटीलगायतका सामग्रीहरु वितरण गरिएको अन्नपूर्ण रियल स्टेट जनकपुरधामका संचालक दिनेश साहले बताएका हुन।
उनले आगामी दिनमा कबिर बाल आश्रममा समेत खाद्यान्न सामग्री वितरण गर्ने योजना रहेको बताए । उनले वृद्धाश्रममा भैपरी आउने समस्या समाधानका लागि तन, मन र धनबाट लागिपर्ने प्रतिवद्धता समेत व्यक्त गरे ।
सो खाद्यान्न वितरण कार्यक्रममा जनकपुरधाम उपमहानगरपालिका – ७ का वडाध्यक्ष जानकीराम साह,समाजसेवी जगतलाल मण्डल ,डा अभधेश सिंह,श्रीनारायण मण्डल ,नरेश साह,प्रवानन्द मण्डल र स्थानीय प्रहरीको समेत सहभागिता रहेको थियो ।
