न्यूजमधेश डेस्क
रौतहट ,४ श्रावण । रौतहटको मौलापुर नगरपालिका–५ स्थित कलैया सडक खण्डबाट पेस्तोल सहित ३ जनालाई प्रहरीले पक्राउ गरेको छ ।
पक्राउ पर्नेमा भारतिय नागरिक २४ वर्षीय देवेन्द्र यादव सहित ३ जना छन् ।
जिल्ला प्रहरी कार्यालय रौतहट र ईलाका प्रहरी कार्यालय मौलापुरबाट खटिएको टोलीले उनीहरुको साथबाट १ थान सिक्सर पेस्तोल बरामद गरेको छ ।
भारतीय नम्बर प्लेटको दुईवटा मोटरसाइकलमा सवारी उनिहरुलाई चेकजाँच गर्दा बिहारको मोतिहारी जिल्ला घर भएका देवेन्द्रको साथमा पेस्तोल फेला परेको रौतहट प्रहरीले जनाएको छ । तीनैजनालाई नियन्त्रणमा लिएर प्रहरीले अनुसन्धान शुरु गरेको छ ।
