२१ बैशाख २०८१, शुक्रबार
03-05-2024 , Fri
×

संघिय सरकारको जनकपुरधामलाई हेर्ने दृष्टिकोणनै फरक: मुख्यमन्त्री राउत

Logo
प्रकाशित बुधबार, आषाढ २५, २०७६

प्रमोद कुमार साह
जनकपुरधाम । संघिय सरकारको जनकपुरधामलाई हेर्ने दृष्टिकोणनै फरक रहेको प्रदेश २ का मुख्यमन्त्री लालबाबु राउतले खुलासा गरेका छन ।

रामायण सर्किटको पुर्वाधार विकासका लागि बुधबार जनकपुरधाममा आयोजीत इन्टरनेशनल कन्फरेन्स अफ रामायण सर्किट कार्यक्रममा मुख्यमन्त्री राउतले भारतीय प्रधानमन्त्री नरेन्द्र मोदी मुक्तीनाथ घुमेको फोटो पर्यटनका लागि निकालिएको कितावमा राखीएको तर त्यो भन्दा पनि पहिले जनकपुरधाम आउदा खेरीको फोटो नराखेर धार्मिक क्षेत्रमाथि पनि विभेद गरिएको वताए । संघिय सरकारको जनकपुरधामलाई हेर्ने दृष्टिकोणनै फरक रहेकोले जनकपुरधामको पर्यटनका लागि एक रुपैयाको पनि सहयोग नआएको मुख्यमन्त्री राउतले गुनासो गरे । उनले भने ः नेपाल र भारको संस्कृति एक रहेको छ जुन अरु कुनै देशको नरहेकोले त्रेता युगको सम्वन्धलाई जिवन्त गर्नका लागि रामायण सर्किटको निमार्ण प्रति चिन्तन आवश्यक रहेको छ । उनले मोदी र योगीलाई जनकपुरधाममा गरेको भ्रमण प्रति धन्यवाद दिदै भ्रमणकै कारण अहिले जनकपुरधाममा पर्यटकको वृद्धि भएकोले पर्यटन का लागि सोहि ढाचामा विकास गर्न प्रदेश सरकार प्रतिवद्ध रहेको वताए ।

कार्यक्रममा उद्योग पर्यटन वन तथा वातावरण मन्त्री रामनरेश रायले रामायणकालमा भगवान रामले धनुषा भाच्दा भएको टुक्राको अवशेष अहिले पनि धनुषाधाममा रहेको तर त्यस्को आवश्यक संरक्षण हुन नसकेकोले प्रदेश सरकारले त्यस्को संरक्षणका लागि आवश्यक पहलकदमी गर्ने प्रतिवद्धता जनाए । उनले रामायण सर्किटले मिथिला र अयोध्याविचको दुई देशीय धार्मिक सम्वन्ध जोडने भएकोले दुवै देशका लागि महत्वपुर्ण रहेको वताउदै सर्किटलाई पुर्णता दिनका लागि प्रदेश सरकार हरेक सहयोग गर्न तयार रहेको वताए ।

त्यसैगरि कार्यक्रममा भारत विहारका पुर्व केविनेट मन्त्री संजय पासवानले रामायण सर्किटको निमार्णको क्रममा जनकपुरधाममा विभिन्न किसीमको होटल,लज लगायतको निमार्णको साथ साथै जनकपुरधाममा धर्म सम्वन्धि अध्यन गर्ने विश्वविद्यालयको समेत स्थापना गर्नुपर्ने वताए । उनले विश्वविद्यालयको स्थापनाले शिक्षाको माध्यमले पनि दुईदेशको सम्वन्धलाई अगाडी बढाउने धारणा राखेका थिए ।

जनकपुरधाम वृहत्तर विकास क्षेत्र परिषदको आयोजना र उद्योग पर्यटन,वन तथा वातावरण मन्त्रालयको प्रमुख सहयोगमा भएको कार्यक्रममा नेपाल र भारतका प्रवुद्ध व्यक्तिहरुको उपस्थिती रहेको थियो ।

कमेन्ट गर्नुहोस्
सम्बन्धित

जनकपुरधाम । मधेश सरकारको योजनाहरू खरिद विक्री हुने गरेको निष्कर्ष निकाल्दै जनमत पार्टीले विरोध गर्ने निर्णय गरेको छ । राष्ट्रिय अध्यक्ष डा. सीके राउतको उपस्थितिमा आज जनमत पार्टी मधेश प्रदेश संसदीय दलको बैठक बसेको थियो । उक्त बैठकले योजना खरिद विक्रीबारे सरकारको ध्यानाकर्षण र विरोध गर्ने गरिएको दलका नेता महेश प्रसाद यादवले जानकारी दिए । […]

जनकपुरधाम । जनमत पार्टीका अध्यक्ष डा.सीके राउतले महोत्तरीको मटिहानीका आगलागी प्रभावित परिवारलाई ग्यास सिलिण्डर सहयोग गरेका छन् । आगलगी प्रभावित क्षेत्रको अवलोकन पुगेका जनमत अध्यक्ष तथा प्रतिनिधिसभा सदस्य डा. राउतले सानो ग्यास सिलिन्डर वितरण गरेका हुन् । उनले १०८ प्रभावित परिवारलाई ५ किलोको ग्यास सिलिन्डर उपलब्ध गराएको मटिहानीका मेयर हरि प्रसाद मण्डलले जानकारी दिए । […]

जनकपुरधाम । जनमत पार्टी मधेस प्रदेश संसदीय दलको बैठक बस्न लागेको छ। जनकपुरधामको भानु चौकस्थित रहेको पार्टीको सचिवालयमा पार्टी अध्यक्ष डा.सीके राउतको उपस्थितिमा बैठक बस्न लागेका हुन् । आज बिहान ९ बजेको लागि मधेस प्रदेशका समसामयिक राजनीतिक विषय बस्तुमा छ्लफलको लागि बैठक बोलाएको पार्टीका राष्ट्रिय सचिव तथा प्रदेश सांसद संजय यादवले बताए ।