न्यूजमधेश डेस्क
जनकपुरधाम,४ श्रावण ।धनुषाको पुर्वी दक्षिणी भेगमा रहेको जनक नन्दनी गाउँपालिकामा आज छैठौं गाउँसभा बन्द कोठामा गर्न लागेको विरुद्धमा जनमत पार्टीले विरोध प्रदर्शन गरेका छन ।
बन्द कोठामा गाउँसभा गरेको र आम नगरबासीलाई सहभागी नगराएको आरोप लगाउँदै जनमत पार्टीका कार्यकर्ताले खजुरीको स्वास्थ्य चौकीको कार्यालय अगाडि बिरोध प्रदर्शन गर्दै गाउँ सभा पार्दर्शी गर्न माग गरेका हुन् ।
सो विरोध कार्यकर्ममा जनमत पार्टीका गाउँपालिका संयोजक दिनेश साह,युवा जनमत संघ धनुषाका जिल्ला सचीव बैजनाथ साह,जनमत पार्टी जनक नन्दनी गाउपालिका – ४ खजुरीचन्हाका वडा अध्यक्ष अभिनाश पण्डितलगाईतका नेता तथा कार्यकर्ताहरुको सहभागिता रहेको थिए
गाउँ सभा भैरहेको अगाडि भेला भएका जनमत पार्टीका कार्यकताले बन्द कोठामा गाउँसभा गर्न पाइँदैन, भ्रष्टाचारी मेयर मुर्दावाद जस्ता नारा लेखिएको प्लेकार्ड बोकेर विरोध प्रदर्शन गरेका छन् ।
गाउँसभा गर्नुअघि गाउँसभा बारे सर्वसाधारण जनताले थाहा पाउने गरी सूचना सार्वजनिकक गर्नुपर्ने बाध्यातमक कानुनी व्यवस्था छ । तर गाउँपालिका प्रमुख बारीक राईनले कसैलाई केही थाहा नगराई चोरेर बन्द कोठामा गाउँसभा गरेको जनमत पार्टीका जिल्ला सहसचिव नवीन पंडितले आरोप लगाए ।
