न्यूजमधेश डेस्क
काठमाडौं ,११ श्रावण । जनता समाजवादी पार्टीको आधिकारिकता विवादमा रेशम चौधरी तटस्थ बस्नुभएको छ ।
मतदान गर्न निर्वाचन आयोग पुग्नुभएका चौधरीले आफू तटस्थ बसेको जानकारी दिनुभयो । ‘जित्ने पनि जसपा र हार्ने पनि जसपा भएको अवस्थामा मैले कतै पनि हस्ताक्षर गर्न सकिन,’ उहाँले भन्नुभयो, ‘म तटस्थ बसेँ ।’
सञ्चारकर्मीमाझ कुरा गर्नुभएका उहाँले आफू निर्दोष रहेको विषय पुनः दाहोर्याउनुभएको छ । न्यायालयले राजनीतिक मुद्दामा फौजदारी अभियोगको सजाय दिएको उहाँको भनाइ छ ।
रेशम चौधरी तठस्थ बस्नुअघि नै जसपाको उपेन्द्र यादव पक्षमा बहुमत भइसकेको थियो । यादव पक्षले बहुमत पुर्याएसँगै पार्टीको आधिकारिकता अब यादवको पक्षमा जानेछ भने महन्थ ठाकुर समूह दलविहीन हुनेछ ।
