गोविन्द ठाकुर, गौर । चुरे क्षेत्रमाभारी वर्षाका आएपछि पूर्वपश्चिम राजमार्गको लच्कामा पानी जमेपछि यातायात अवरुद्ध भएको छ । लगातारको वर्षाका कारण रौतहटको एक दर्जन भन्दा बढी गाउँहरु डुबानमा परेका छन् ।साना तथा ठुला सवारीलाई समेत आवत जावतमा समस्या भएपछी सबारीलाई आवत जावत गर्न प्रहरीले रोकेको छ । बिहान पश्चिम आउँदै गरेको जिप बगाउनबाट जोगीए पछि साना सवारीहरुलाई रोकेको हो ।
चन्द्रपुर नगरपालीका २ स्थित लच्कामा पानी जमेका कारण सवारी बगाउने खतरा बढेपछि कार, जिप, मोटरसाइकल लगायतका साना सवारीलाई रोकेको ईलाका प्रहरीका डिएसपी कवित कटुवालले जनाकारी दिनुभयो ।
अहिले ठुला सवारीलाई मात्र जान दिइएको छ । चन्द्रपुरकै चोक, बजार क्षेत्रका घरहरु डुबानमा पारेको छ । प्रहरीले स्काभेटर लगाएर पानी बाहिर पठाउने काम गरिरहेको छ । यता भारी वर्षाले जिल्लाको औरैया, बडहर्वा, बन्जरहा, बेलबिछवा, गढो ईशनाथ लगायतका गाउँहरु समेत डुबानमा परेको छ । पानीको निकाश नहुदा गाउँबस्ती डुबानमा परेको बताइएको छ । लालबकैया र बागमति नदिमा पानीको मात्रा बढे पछि स्थानिय प्रशसनले उच्चसतर्कता अपनाउन आग्रह गरेका छन् । दुवै नदिले वर्षेनी क्षति पुर्याउँदै आएको छ । चलमाहा, चादी र झाँझ खोलामा बाढी आए पछि किशानको उखु र धान बाली समेत डुबानमा परेको छ ।
सदरमुकाम डुबानलगातारको वर्षाले सदरमुकाम गौरमा समेत पानीको सतह बढ्दै गएपछि सदरमुकाम यतिखेर उच्च जोखिमा रहेको छ । गौर स्थित सरकारी कार्यालय वरिपरि समेत पानी जमेको छ । निरन्तर पानी परिरहेले ठूलो बाढी आउने खतरा देखिएकोले प्रमुख जिल्ला अधिकारी किरण थापाले उच्चसतर्कताका लागि नेपाल प्रहरी, सशस्त्र प्रहरी र नेपाली सेना समेत तयारी अवस्थामा राखिएको बताए ।
