न्यूजमधेश डेस्क
जनकपुरधाम ,११ भाद्र । जनमत पार्टी धनुषाका कोषाध्यक्ष एवम् युवा नेता किलेश मण्डलले रक्तदान गरि एक जना मृगौला पीडितकाे ज्यान बचाएका छ्न।
धनुषाको कमला नगरपालिका -४ सघाराको जिबछ प्रसाद यादवलाई रगतको अत्यन्तै आवश्यकता रहेको बेलामा कोषाध्यक्ष मण्डलले वर्षाको समयमा घरबाट करिब १० किलोमीटर रहेको जनकपुर पुगेर रक्तदान गरी जीवन दान गरेका छन् ।
मृगौलाको समस्या रहेका यादवलाई शुक्रबार डाइलोसिस गराउनको लागि प्रादेशिक अस्पताल जनकपुरमा ल्याइएको थियाे ।तर,उनलाई रगत उपलब्ध नभएको कारणले डाइलोसिस गराउन निकै गाह्रो भएको थियो ।
शुक्रवार करिब २ बजे जनमत पार्टी धनुषाका कोषाध्यक्ष किलेश मण्डलले रक्तदान गरेपछि यादवको डाइलोसिस गराउन सफल भएकाे उनको परिवारजनले बताएका छन् ।
