न्यूजमधेश डेस्क
जनकपुरधाम,२४ भाद्र ।प्रेस जनमत संघका केन्द्रिय अध्यक्ष बिपि साहले जिल्ला स्तरीय कबड्डी प्रतियोगिताको उद्घाटन गरेका छ्न।
तीज र चौरचनको अवसरमा धनुषाको गणेशमान चारनाथ नगरपालिकामा आयोजित प्रतियोजिताको उद्घाटन एक समारोहका बिच प्रेस जनमत संघका केन्द्रीय अध्यक्ष बीपी साहले रिवन काटेर गर्नुभएको हो ।
राजदेवी युवा क्लव गणेशमान चारनाथ नगरपालिका र रघुनाथपुर सेवा समाज धनुषा सबैला नगरपालिकाको संयुक्त आयोजनामा आयोजित प्रतियोजितामा धनुषा जिल्लाभरीका २४ वटा टीम सहभागी रहेको छ ।
उदघाटन कार्यक्रमको प्रमुख अतिथि साहले खेलको माध्यमबाट भाईचारा स्थापना गर्न र युवाहरुलाई कुलतबाट जोगाउने प्रयासहरु हुने पर्ने बताए ।
उनले आगामी दिनमा धनुषा जिल्ला निर्वाचन क्षेत्र नम्बर एकमा हुने कुनै पनि खेलकुद कार्यक्रममा सहयोग गर्ने प्रतिबद्धता व्यक्त गरे ।
कार्यक्रमको अतिथि खेलकुद महासंघका केन्द्रीय सदस्य एवं धनुषा जिल्ला अध्यक्ष शत्रुघन मुखियाले मुख्य एम्पायरको भूमिका निर्वाह गर्ने छन् ।
कार्यक्रमा विभिन्न राजनीतिक दलका प्रतिनिधिहरु, जनप्रतिनिधिहरु, युवा तथा पेसाकर्मीहरुको उपस्थिति रहेको थियो ।
तीन दिनसम्म चल्ने खेलमा विजेताहरुका लागि नगद तथा उपहारको व्यवस्था गरिएको छ।
