न्यूजमधेश डेस्क
जनकपुरधाम,२५ भाद्र । धनुषाको विदेह नगरपालिकामा मोटरसाइकलको ठक्करबाट एक महिलाको मृत्यु भएको छ।
जिल्लाको विदेह नगरपालिका ६ एकराहीमा बिहिबार राति स्थानीय पल्टु महराकी ४० वर्षीया पत्नी दलितिया देवी महराको मोटरसाइकलको ठक्करबाट मृत्यु भएको हो।
प्रहरीका अनुसार ज ७ प ९८१२ नम्बरको मोटरसाइकलबाट पैदल यात्री महरालाई ठक्कर दिँदा गम्भीर घाइते भएकी थिइन् ।ठक्कर दिने मोटरसाइकल र चालकलाई प्रहरीले पक्राउ गरेको छ।
गम्भीर घाइते भएपछि उनलाई प्रादेशिक अस्पताल जनकपुरमा उपचारको क्रममा मृत्यु भएको प्रहरीले जनाएको छ।
