न्यूजमधेश डेस्क
राजविराज ,७ असोज । जितिया पर्वमा नेपाल सरकारको विदा दिनु पर्ने एक कार्यक्रमका वक्ताहरुले बताएका छन् । बुधवार राजविराज स्थित नेपाल पत्रकार महासंघ शाखा सप्तरीको सभाहलमा आयोजना गरिएको जितिया पर्व समारोह कार्यक्रममा बोल्दै उनिहरुले यस्तो बताएका हुन् ।
तीजका दिन सरकारले सार्वजनिक विदा दिएपनि मधेशभरिका महिलाहरुले मनाइने जितिया पर्वको दिन विदा नदिई सरकारले विभेद गरिरहेको कार्यक्रमका प्रमुख अतिथि पत्रकार महासंघकी केन्द्रीय सदस्य ललिता साहले बताईन् ।
पत्रकार महासंघ शाखा सप्तरीको अध्यक्ष श्रवण देव, प्रदेश २ को गोरखापत्र ब्युरो प्रमुख धिरेन्द्र प्रसाद साह, महासंघ सप्तरीकोे पुर्व अध्यक्ष विष्णु मण्डल, सामाजिक अभियानि सुनिता साह, बोदेबर्साइन नगरपालिकाको उप प्रमुख रन्जु साह, महिला नेत्रृ पुनम यादव, थारु आदिवासी महिला समन्वय समितिकि संयोजक चन्द्रकला चौधरी लगायतका व्यक्तिहरुले जितियाको शुभकामना तथा हार्षोल्लासको सँग मनाउने कामना समेत गरे ।
कार्यक्रममा प्रदेश सरकारले विदा दिएपनि संघीय सरकारलाई विदा दिनुपर्ने वक्ताहरुले जोड दिएका छन् ।पत्रकार महासंघ शाखा सप्तरीको महिला उपाध्यक्ष अम्बिका दहालको अध्यक्षतामा अयोजना गरिएको कार्यक्रममा आदिवासी जनजाती पत्रकार महासंघका जिल्ला अध्यक्ष स्वागत मन्तव्य प्रिया संह थारुले व्यक्त गरिन् ।
