न्यूजमधेश डेस्क
जनकपुरधाम,१६ असोज।डा सीके राउत नेतृत्वको जनमत पार्टीले धनुषाको विदेह नगरपालिकामा नगर अधिवेशन सम्पन्न गरिएको छ।
शनिबार जनमत पार्टी विदेह नगरपालिकाका तदर्थ समितिका संयोजक धिरज मण्डलको अध्यक्षतामा भएको नगर अधिवेशन जनमत पार्टीका केन्द्रिय सदस्य सुरेन्द्र शर्मा मधेशीको प्रमुख आतिथ्यमा सम्पन्न भएको हो।
उक्त अधिवेशनबाट अमर मण्डलको नेतृत्वमा २९ सदस्य नगर कार्यसमिति गठन गरिएको छ।
सो कार्यसमितिको उपाध्यक्षमा अरुण महतो,सचीवमा चन्देश्वर पासवान ,सहसचिव शिवशंकर बिराजी ,कोषाध्यक्षमा चन्द्रकिशोर साह रहेको हो।
त्यसैगरी सदस्यमा कबिता कुमारी कापडी ,गिता कुमारी मण्डल ,पतलिया देवि सादा,महेन्द्र गिरी,सुरेन्द्र मण्डलसहित २९ सदस्यीय नगर स्तरीय कार्यसमिति गठन गरिएको छ।
अधिवेशनबाट चयन भएका कार्यसमितिका सम्पुर्ण पदाधिकारीहरुलाई कार्यक्रमका प्रमुख अतिथि समेत रहेका जनमत पार्टीका केन्द्रिय सदस्य शर्माले प्रमाणपत्र समेत प्रदान गरेको छ।
अधिवेशनमा जनमत पार्टी धनुषा उपाध्यक्ष उपेन्द्र रोहिता यादव,जनमत पार्टीका युवा नेता महेश प्रसाद यादव,राजदेव खर्गा,स्वराजी दिपनारायण यादव,युवा जनमत संघ धनुषा उपाध्यक्ष नथुनी यादवसहितका नेता तथा कार्यकर्ताहरुको उपस्थितिमा नगर अधिवेशन सम्पन्न भएको छ।
