न्यूजमधेश डेस्क
जनकपुरधाम ,१९ असोज। चीनले नेपाली भूमी अतिक्रमण गरेको भन्दै सोमबार जनकपुरधाममा प्रदर्शन गरिएको छ ।
लोकतान्त्रिक समाजवादी पार्टी (लोसपा) का युवाहरुले चीनबिरूद्व प्रदर्शन गरेका हुन । रेल्वे स्टेसनबाट निकालिएको बिरोध प्रदर्शन भानु चोक, शिव चोक हुँदै जनक चोकमा आएर कोण सभामा परिणत भएको थियोे ।
कोण सभालाई सम्बोधन गर्दै लोसपाका युवा नेता प्रशान्त झाले चीन कहिले सगरमाथाकाे टुप्पो आफ्नो भन्छ त कहिले भुमी अतिक्रमण गर्ने गरेको बताए ।
उनले हुम्ला १२ नम्बरकाे पिल्लर नजिक अतिक्रमण गरेको नेपाली भुमी फिर्ता गर्नुपर्ने बताए । छानबिन समितिले प्रतिवेदन दिएपनि सरकार चुप लागेर बसेको उनले बताए ।
अतिक्रमण गरिएको भूमी फिर्ता नभएसम्म आन्दोलन जारी राख्ने उनले बताए ।
