जनकपुरधाम ,२७ असोज । धनुषाको कमला नगरपालिकाका युवाहरुको छाता संगठन कमला युवा संजालको शुभकामाना अदान प्रदान तथा चियापान कार्यक्रम सम्पन्न भएको छ ।
मंगलबार नगरपालिकाकै वडा नम्बर ८ सोनापाडामा संजालका महासचिव चन्द्रदीप यादवको अध्यक्षतामा विजया दशमी ,दिपावली तथा छठ पर्वको अवसरमा शुभकामाना आदानप्रदान तथा चियापान कार्यक्रम सम्पन्न भएको हो ।
नेकपा माओबादी केन्द्रका नेता बलराम बिराजी ,नेकपा एसका युवा नेता रक्की प्रसाद साह ,एसएम कोचिंगका संयोजक सन्तोष साह , कमला युवा संजालका अध्यक्ष बिमलेश यादव र युवा अभियानी रुपेंश रानको उपस्थितिमा शुभकामाना आदानप्रदान कार्यक्रम भएको थियो । कार्यक्रममा एक आपसमा शुभकामाना साटासाट गरेका थिए ।
सो कार्यक्रममा कमला युवा संजालको पदाधिकारीहरु ,विद्यार्थी ,समाजसेवीहरु ,वुद्धिजीवी र स्थानीयवासीहरुको सहभागितामा भव्यताका साथ कार्यक्रम सम्पन्न भएको छ ।
