न्यूजमधेश डेस्क
जनकपुरधाम,१० कार्तिक ।डा.सिके राउत नेतृत्वको जनमत पार्टीले धनुषाको मिथिला नगरपालिकामा मोटरसाइकल जुलुस प्रदर्शन गरेका छन् ।
जनमत पार्टी मिथिला नगरपालिकाका अध्यक्ष सरोज कुमार सिंहको अगुवाइमा मोटरसाइकल जुलुस निकालिएको छ।
उनीहरु आफ्ना नेताकार्यकर्ताको रिहाइ र भ्रष्टाचारीलाई कारबाहीको माग गर्दै पूर्व निर्धारित आन्दोलनको कार्यक्रम अनुसार मंगलबार मिथिला नगरपालिकाको ढल्केबरसहित प्रदेश २ का जिल्लाहरुमा जनमत पार्टीले प्रदर्शन गरेको हो ।
भ्रष्टाचारीलाई कारबाही गर, झुठा मुद्दा खारेजज गर, डा. सिके राउत जिन्दावाद सहितका नेताकार्यकर्ताहरुले नगरपरिक्रमा गरेका थिए ।
गएको बिहीबार जनकपुरधाम स्थित खानेपानी तथा ढल निकास कार्यालयका निमित प्रमुख राजेश कुशवाहामाथि जनकारबाही गरेपछि १७ जनालाई प्रहरीले पक्राउ गरी हिरासतमा राखेको छ ।
