न्यूजमधेश डेस्क
काठमाडौं ,२ पुष । नेपाली कांग्रेसको १४ औं महाधिवेशन अन्तर्गत पदाधिकारीसम्मको मतपरिणाम सार्वजनिक भइसकेको छ ।
शुक्रबार अपरान्हसम्म समावेशीतर्फ आठ जना सह–महामन्त्रीको अन्तिम मतपरिणाम सार्वजनिक भएसँगै सबै पदाधिकारीको मतगणना सकिएको छ ।
सभापति, दुई उपसभापति, दुई महामन्त्री र आठ सहमहामन्त्री गरी १३ जना पदाधिकारीमा जम्मा एक जनामात्र महिला निर्वाचित भएका छन् ।
खुला र महिला खुलामा सुजाता कोइराला, महालक्ष्मी उपाध्याय डिना र कमला पन्त गरी तीन महिला नेतृ पदाधिकारीमा प्रतिस्पर्धा गरेका थिए ।
तर, चुनावी प्रतिस्पर्धामा महिला खुला अन्तर्गत महालक्ष्मी उपाध्याय डिना मात्र विजयी भएकी छिन् । पदाधिकारीमा एक कोषाध्यक्ष केन्द्रीय कमिटीले मनोनित गर्न बाँकी छ ।
