सप्तरी, १३ पुष । आफ्ना कार्यकर्तामाथी प्रहार गर्ने जनप्रतिनिधिसहितका दोषिहरुलाई कार्वाहीको माग गर्दै जनमत पार्टी सप्तरीले सोमवार प्रदर्शन गरेका छन् । जिल्लाको हनुमाननगर कंकालिनी नगरपालिकामा आक्रोसित पार्टीका कार्यकर्ताहरुले प्रहरी चौकी घेराउ गरि मुख्य चौकमा १ घण्टा चक्काजामसहितका प्रदर्शन गरेको हो ।
गत शनिवार पालिकाका वडा नम्बर ११ स्थित सामुदायिक भवनमा आयोजित कार्यक्रममा सोही वडाका वडाध्यक्ष मोहित नरायण यादवले पार्टीको कार्यकर्तामाथि आक्रमण गरिनुका साथै मोटरसाइकलमा समेत तोडफोड गरेकोले दोषीलाई कार्वाही नहुदाँ आफुहरु आन्दोलीत भएको पार्टीका सचिव थानेश्वर प्रसाह साहले जानकारी दिए । दोषीलाई कडा कार्वाही, मोटरसाइकलमा भएको क्षतिको उचित क्षतिपुर्ति उपलब्ध नगराएसम्म आफुहरु थप कडा आन्दोलनमा उत्रिने अध्यक्ष चन्देश्वर मण्डल (किसान) ले बताए ।
