न्यूजमधेश डेस्क
जनकपुरधाम,१५ पुष । पूर्वी धनुषाको कमला नगरपालिकामा किसानहरुले तालाबन्दी गरेका छ्न ।
बिहिवार दिउँसो कमला नगरपालिकाको विभिन्न वडाबाट आएका किसानहरुले नगरपालिकाको कार्यालयमा तालाबन्दी गरेका हुन ।
उनीहरुले समयमा मलखाद्य उपलब्ध गर,फसलको उचित मुल्य कायम गर,सिचाइको व्यवस्था गर्नुपर्नेलगाईतका मागहरु राख्दै नगरपालिकाको मुख्यद्वारामा तालाबन्दी गरिएको छ ।
किसानहरुले सहज रुपमा मल, खाद, बीउ नपाएको भन्दै तालाबन्दी गरेको हो । किसानहरुको आन्दोलनमा जनमत पार्टीको समेत समर्थन र साथ रहेको आन्दोलनमा सहभागी एक किसानले बताए।
उनले भने ,किसानहरुको सुखदुःखमा कुनै पार्टीले साथ नदिने समयमा जनमत पार्टीले किसानको अवाज उठाएको छ ।यस आन्दोलनमा सबै जना सहभागी भएर किसानहरुको जायज माग पूरा गराउनको लागि सबैको दायित्व रहेको उनले बताउनुभयो।
