जनकपुरधाम : धनुषाको जनकपुरधाम उपमहानगर पालिका लगायतका ठाउँमा किसान आन्दोलनकारीहरुले एकाबिहानै देखि मन्त्री रेणु यादवको पुतला दहन सहित बिरोध प्रदर्शन गरिरहेको छ। मन्त्री यादव आज धनुषाको मुख्यापट्टी मुसहरनियाको बैरिया बजारमा पार्टी प्रबेश कार्यक्रममा आउने कार्यक्रम रहेको छ। किसानहरुले आफ्ना हकहितका लागि ११ बुंदे माग सहित महिनौ देखि आन्दोलनरत रहे पनि सरकार नसुनेकोले किसानहरु संघीय मन्त्रीहरुको कार्यक्रम बहिष्कार गरिरहेको छ।
एकाबिहानै धनुषाको जनकपुरधाम उपमहानगर पालिका वडा न.४ निम चौकमा टायर बालेर प्रदर्शन गरिरहेका प्रदर्शनकारीहरुले पहेले खाद्य मल ला तबे मधेशमे आ , कृषि बिधुत नि:शुक्ल गर , किसान उपरको दमन बन्द गर , किसान कार्डको वयवस्था गर , किसानलाई पनि पेन्सन दे लगायतका नारा लगाएका थिए । गत पुस ०८ गते देखि किसानहरु आन्दोलन गरिरहेको छ। यस अघि कृषि मन्त्री महेन्द्र राय यादवलाई बाकेको नेपालगन्ज बाट किसानहरु लखेटेका थिए ।
