न्यूजमधेश डेस्क
जनकपुरधाम ,५ माघ । धुनषामा प्रहरी टोलीमाथि आक्रमण गर्ने लुटेरा समूहका ५ जनालाई प्रहरीले पक्राउ गरेको छ ।
गएराती महोत्तरीका अमित कुमार पासवानलाई एक समूहले लुटपाट गर्दैछ भन्ने सूचनाका आधारमा प्रहरी टोली महोत्तरी भंगहा-७ पुगेको थियो ।
सो क्रममा प्रहरी सहायक निरीक्षक (असई) मनोज पोखरेलसहितको टोलीमाथि आक्रमण भएको जिल्ला प्रहरी कार्यालय धनुषाका प्रमुख एसपी बसन्त रजौरेले जानकारी दिए । घाइते पोखरेलको अवस्थामा सामान्य रहेको उपचारपछि डिस्चार्ज भएका छन् ।
‘गएराती महोत्तरी भंगालाका अमित कुमार पासवानको घरमा नगदसहित मोवाइल लुटेको भन्ने खबर आउनासाथ प्रहरी त्यसतर्फ गएको थियो ।
सो क्रममा उक्त समूहले प्रहरी माथि आक्रमण गरेको थियो ।’ उनले भने, ‘उक्त समूहका ५ जनालाई पक्राउ गरी आवश्यक अनुसन्धान भइरहेको छ ।’
