जनकपुरधाम, ९ माघ । बारामा प्रतिबन्धित २ लाख भारतीय रुपैयाँ सहित एक जनालाई प्रहरीले पक्राउ गरेको छ । पक्राउ पर्नेमा भारतको विहार नवाधा थाना अक्बरपुर का ३८ वर्षीय शिव शंकर बब्लु रहेको छ ।
जितपुरसिमरा उपमहानगरपालिका–१ सिमरा विमानस्थलबाट बब्लुलाई नेपालमा प्रतिबन्धित २ हजार दरले १ सय थान गरी जम्मा २ लाख भारतीय रुपैयाँ नगद सहित आज (आइतबार) पक्राउ गरेको प्रहरीले जनाएको छ ।
प्रहरीका अनुसार डिपार्चर रुममा काठमाडौंतर्फ जान लागेका यात्रुहरुलाई विमानस्थल सुरक्षा गार्डमा खटिएको प्रहरीले जाँच गर्नेक्रममा उनलाई उक्त नगद सहित फेला पारी पक्राउ गरेको हो । बरामद नगद सहित आवश्यक कारबाहीको लागि उनलाई क्षेत्रीय राजश्व अनुसन्धान कार्यालय पठाईएको छ ।
