राजविराज, २० माघ । सप्तरीको डाक्नेश्वरी नगरपालिका स्थित एक विद्यालयमा अभिभावकहरु आन्दोलित भएका छन् । सोही नगरपालिका वाड नम्बर ९ स्थित एस एल पी माध्यमिक विद्यालय महुकी पत्थरगाडामा विद्यालय व्यवस्थापन समिति गठनको मागँ गर्दै आभिभावकहरु अनिश्चिकालीन रिले अनसनमा उत्रेका छन् ।
विद्यालयमा उक्त समिति नभएकाले विभिन्न अनुदान लगायतका अन्य क्रियाकलापहरुमा समेत समस्या भइरहदाँ आफुहरु आन्दोलित भएको अनसनमा सहभागी अमरनाथ यादवले बताए । मंगलवारदेखी जयलाल यादवको नेतृत्वमा सञ्चालन गरिएको अनसनमा बुधवार सिता देवी खंगको नेतृत्वमा सियाराम यादव, बिरेन्द्र दास, असोक सदा र भुटाइ मंडलसमेतको सहभागिता रहेको अभिभावक शुभनारायण यादवले जानकारी दिए ।
वास्तवमा अभिभावक आन्दोलित भएको स्वीकारदै विद्यालयका प्रधानाध्यापक देवु यादवले भने– कोभिड १९ का कारण समिति गठन हुन सकेको छैन् । गाउँपालिकामा रहेका शिक्षा शाखासगँ समन्वय गरि यो महिना पछि गठन गरिने उनको भनाई छ । उक्त विद्यालयमा १३ सय भन्दा बढी विद्यार्थीहरु अध्ययनरत रहेका छन् ।
