सप्तरी, २० माघ । जनमत पार्टीले किसान आन्दोलनलाई निरन्तरता दिदै आज (विहिवार) सप्तरीको विभिन्न ठाउँमा चक्का जाम गरेका छन् । जिल्लाको भारदह, रुपनी र कठौना स्थित राजमार्गमा चक्का जाम गरिएको आन्दोलन समितिका संयोजक शिवनन्दन कुशवाहाले जानकारी दिए ।
उनका अनुसार भारदह स्थित प्रहरीले बाटो खुलाउने प्रयास गरेकाले समान्य घमसाघम्सी भएको हो । हिजो (बुधवार) विभिन्न ठाउँमा मशाल जुलुस प्रदर्शन समेत गरेको थियो ।
‘जिल्लाको सम्पुर्ण स्थानिय तहको मुख्य चौकहरुमा बुधवार साँझमा उक्त जुलुस प्रदर्शन गरिएको’ जिल्ला अध्यक्ष चन्देश्वर मण्डलले भने– ‘पार्टीद्धारा पुर्व घोषित किसान आन्दोलनको कार्यक्रम अन्तर्गत आज पूर्व–पश्चिम राजमार्ग बन्द गर्ने कार्यक्रमलाई निरन्तरता दिएको हो ।’ किसानहरुकोे समयमा मलखाद्यको व्यवस्था गर, सिचाईको व्यवस्था गर, उखु किसानको भुक्तानी गर, किसान कार्डको व्यवस्था गर, किसानमाथिको दमन गर, किसानमाथि लगाइएको झुठा मुदा खारेज गर, फसलको उचित मुल्य निर्धारण गरलगायतका मागँ उनीहरुको रेहेका छन् ।
