जनकपुरधाम । समाजवादी पार्टी नेपालका प्रमुख सचेतक एवम संघिय सांसद उमाशंकर अरगरियाले आज चौथो दिनपनि बाढि प्रभावित क्षेत्रको स्थलगत अवलोकन गर्नुभएको छ।
सांसद अरगरियाले शनिबार धनुषाको निर्वाचन क्षेत्र न २ अन्तरगतको औरही गाउलालिका अन्तगत झिटकौहिया,पौरेश्वर ,कपटौल,बिकमपुर,चक्कर ,औरही,हरुसाहा रहेको बाढी प्रभावित क्षेत्रमा स्थल गत निरीक्षण गरिएको छ।
त्यसैगरी यता धनुषाको कमला नगरपालिका अन्तरगत सराबे,माची,पर्सा,मंगराहा,दुबैरकोठ हटलेटवा,सखुवा,मडान,सिंग्याहा,जागिरटोल ,हथमुण्डा,लक्कर ,टरिया,सघारा,भलुवाहा लगाइत विभिन्न वाडमा स्थल गत बाढी प्रभावित क्षेत्रमा अनुगमन गरिएको छ।अनुगमनकै क्रममा हिजो शुक्रबार जनकपुर उपमहानगरपालिका वाड न १७ स्थित रहेको कनरपट्टी,औसरा र वाड न १८को भोइल सहितको गाउहरु अनुगमन गरेका थिए।सांसद अरगरियाले उक्त क्षेत्रको बाढि प्रभाविका सर्वसाधारण जनताहरुसंग भेट गरि समस्याको बारेमा जानकारी लिए।
धनुषाको क्षेत्र नं २ अन्तरगतमा सवैभन्दा बढि प्रभावित जनकनन्दनी गाउपालिका वाड न १ स्थित रहेको इनर्वा ,मल्हनिया र वाड न ६को बल्हा भएको अनुगमनको क्रममा देखिएको छ। त्यसैगरि भारी वर्षाका कारणले कमला नदिमा आएको पानीको बहाव उच्च भएकोले धनुषाको फुलबारीया र मल्हनियाका बिचमा रहेको कमला नदिको तटबन्ध भत्किएको छ।
तटबन्ध भत्किएकोले हजारौं घरपरिवार डुवानमा परेको छ। त्यसैगरि भारी वर्षाका कारण जनकनन्दनी गाउपालिका,औरही गाउपालिका र कमला नगरपालिकामा रोपाई भएको खेत डुवानमा परेपछि किसानलाई भारी क्षति भएको अवलोकन पछि न्युज मधेश सङ्ग कुरा गर्दै सांसद अरगरियाले भने भारी वर्षाबाट भएको किसानको क्षति तथा सर्वसाधारणहरुको घर घरमा पानी पसेर भएको लाखौ क्षतिको क्षतिपुर्तीका लागि सरकारसंग माग गरिएको छ ।
बाढिले विस्थापित भएको हजारौं घरपरिवालाई अविलम्ब जनता अवासको कार्यक्रमलाई प्राथमिकता दिएर अवास निर्माण गर्न सरकार संग माग गरेको बताए । त्यसैगरी विस्थापित भएको परिवारहरुलाई सामुहिक भोजनको व्यवस्था गर्नुको साथै भत्केको बान्धलाई छिटोभन्दा छिटो ब्यबस्थापन गर्न सरकार सङ्ग जोरदार माग गरेको बताए।
यता मौसम विभागले भने आइतबारसम्म पानी पर्ने चेतावनी दिएकोले सर्तक रहन सर्वसाधारणलाई आग्रह गर्दै किसानहरुलाई भएको क्षतिको क्षतिपूर्ति दिलाउन सरकार माग गरे ।
शनिबार अबलोकन कार्यक्रममा समाजवादी मुसलिम प्रदेश न २ को सचीव हबिब मनसुरी ,पार्टीको औरही गाउपालिकाको अध्यक्ष कमलदेव मण्डल ,समाजवादी पार्टी नेपाल युवा नेता बिनोद रोहिता,मनिकलाल मण्डल , शंकर साह,अनिल ,रामहृदय यादव,गम्भीर साह र छठु मण्डल लगाईत २ दर्जन भन्दा बढी नेता तथा कार्यकर्ताहरुको उपस्थिति रहेको थियो ।
यता सांसद अरगरियाले औरही गाउँ पालिकामा पनि स्थलगत अनुगमन गर्नुभएको छ । जलाद पुलको पूर्व छेउ पानीले बगाएपछि आज बान्ध बधेपछि जनकपुर यदुकोहा सडक खण्डमा पुर्न रुपमा सुचारु भएको छ।
सांसद उमाशंकर अरगरियाको स्वकीय सचीव प्रमोद अधिकारीले बताएका छ्न।
