न्यूजमधेश डेस्क
काठमाडौं, १४ फागुन।प्रधानमन्त्री शेरबहादुर देउवासँगको छलफलपछि एमालेका शीर्ष नेताहरुबीच छुट्टै छलफल भएको छ । शुक्रवार साँझ बालकोटबाट प्रधानमन्त्रीसहितका कांग्रेस नेताहरुलाई विदा गरेपछि एमालेको ‘कोर अफ दि लिडर’ बीच छलफल भएको हो ।
अध्यक्ष केपी शर्मा ओलीको निवास बालकोटबाट देउवालाई विदा गरे लगत्तै बरिष्ठ उपाध्यक्ष ईश्वर पोखरेल, उपाध्यक्ष विष्णु पौडेल, उपमहासचिव विष्णु रिमाल पनि बालकोट आइपुग्नु भएको थियो । यसअघि महासचिव शंकर पोखरेल र उपमहासचिव प्रदिप ज्ञवाली प्रधानमन्त्री देउवासँगको भेटघाटमा सहभागी हुनुहुन्थ्यो ।
स्रोतका अनुसार एमसीसी पास गर्ने सन्दर्भमा गठबन्धनका दलहरुले साथ दिन्छौं भने पनि प्रचण्डको ढुलमुले बानीका कारण प्रधानमन्त्री देउवा आस्वास्त हुन सक्नुभएको छैन । ‘एमसीसीमा साथ दिने कुरामा प्रचण्डको भन्दा माधव नेपालको विश्वास प्रधानमन्त्रीलाई धेरै छ ।
यही अविस्वासका बीच एमसीसी निणायर्थ प्रष्तुत गर्दा बहुमतले अस्विकृत भएमा सत्ताबाट बहिर्गमनसँगै अमेरिकी नजरमा पनि अक्षम देखिने त्रास प्रधानमन्त्री देउवामा रहेको छ । त्यसैले बहुमतको भरपर्दो सारथी खोज्दै देउवा बालकोट आइपुग्नुभएको हो ।
अध्यक्ष ओलीले कि त माधव नेपाल सहितत आफूले साउन २८ गते कारबाही गरेका १४ जना साँसदको पद खारेज हुनुपर्ने त्यसो नभए सभामुखले राजिनामा दिनु पर्ने माग अघि सारेपछि देउवा मध्यमार्गी बाटोको खोजीमा हुनुहुन्छ । शुक्रवारको सहमतिअनुसार कांग्रेस र एमाले शीर्ष नेताबीच आज पनि बार्ता हुने एमाले भएको छ ।
