राजविराज । जनमत पार्टीले सप्तरीमा माटी यात्रा आइतवारदेखी शुभारम्भ गरेका छन् । विष्णुपुर गाउँपालिकाको वडा नम्बर ६ बाट सञ्चालन गरिएको यात्रामा विभिन्न वडामा स्थानियहरुसगँ भेटघाट गर्दै पार्टीका अध्यक्ष डा. सि. के राउतले सोही गाउँपालिकाका वडा नम्बर २ सिम्राहामा माटो लिएको पार्टीका केन्द्रिय सदस्य सुरेन्द्र मधेशीले जानकारी दिए । उनका अनुसार जिल्लाको बोरीया, गोरगामा, कट्टी, विष्णुपुर, मझौउ, कन्कट्टा, मलेकपुर, बेल्हा, पत्थरगाडा, पिपरा, जमुवा, नर्घो, झौहरा चौकसहितका स्थानियहरुसगँ भेटघाट गर्दै डा. राउतले विभिन्न स्थलहरुको अवलोकन समेत गरे । । डा. राउत टोलमा पुग्दा स्थानियहरु एकदमै उत्साहीत देखियो ।
विष्णुपुर, राजगढ गाउँपालिकामा यात्रा सम्पन्न भईसकेको र आजको (सोमवार) यात्रा हनुमाननगर कंकालिनी नगरपालिका, तिरहुत र महदेवा गाउँपालिकामा हुने जनाइएको छ । माटी यात्रामा पार्टीका केन्द्रीय कोषाध्यक्ष ई सुरेन्द्र नारायण यादव, केन्द्रीय सदस्य सुरेन्द्र मधेशीलगायतका जिल्ला तथा विभिन्न स्थानिय तहबाटसमेत नेता कार्यकर्ताहरुको सहभागीता रहेको थियो । सोही क्रममा विष्णुपुर गाउँपालिका ७ मा वडा कार्यालयको उद्घाटन समेत गरियो ।
