न्यूजमधेश डेस्क
जनकपुरधाम, १७ बैशाख । डा सीके राउत नेतृत्वका जनमत पार्टीबाट जनकपुरधाम उपमहानगरपालिकाका मेयर पदका लागि उम्मेदवारी दिएका अनिता साहले १५ बुँदे घोषणापत्र सार्वजनिक गर्नुभएको छ ।
शनिवार जनकपुरधामस्थित पार्टीको केन्द्रिय सचिवालयमा पत्रकार सम्मेलनको योजना गरी साहले आफू विजयी भएमा जनकपुरधामको विकासका लागि आफू प्रतिबद्ध रहने र घोषणापत्र अनुसार विकास गरेर देखाउन दावी गरेकी हुन ।
उनले घोषणा पत्रमा पहिलो बुँदामा जनकपुरधामको फोहर मैलाको व्यवस्थापन गर्ने, सार्वजनिक गुठी तथा मठमन्दिरको जग्गा÷सम्पति संरक्षण गर्ने, आन्तरिक राजस्व चुहावटको रोकथाम, आयको वृद्धि सुनिश्चित, आँगनमा नगरपाकिला मोवाइलबाट काम गर्ने गराउने बताउनुभएको छ।
त्यसगरी भ्रष्टाचार सफाई, घुस लिनेलाई कारवाही, जनकपुरवासीको स्वस्थ्य नगरको जिम्मेवारी, फ्री वाईफाई तथा सीसीटीवी जोनको स्थापना, घर घर रोजगारी, विदेशबाट फर्किदा स्वागतको तयारी, जल निकासको व्यवस्थापन र कृषि क्रान्ति लगायतको घोषणपत्रमा रहेको छ ।
उक्त कार्यक्रममा जनकपुरधाम उपमहानगरपालिकाको उपमेयर सन्तोष कुमार साह,गैर आवासीय मधेशी संघका अन्तरास्ट्रिय समितीका अध्यक्ष शम्भु नाथ साह,महासचिव श्याम बाबू महतोलगाइतका पार्टीका नेताहरुको उपस्तिथिमा घोषणा पत्र सार्वजनिक गर्नुभयो।
