सुरेन्द्र सिंह,जनकपुरधाम । चुरे मधेश विकास मंचद्वारा चुरे विनाश हुने कार्य बन्द गर्नुपर्ने जोरजार माग गरेको छ।
जथाभावी ढुंगा , गिटी र बालुवाको निकासीले चुरे क्षेत्रमा खतरा बढेको भन्दै यसको निकासीमा रोक लगाउनु पर्नेमा चुरे मधेश विकास मन्च केन्द्रिय कार्य समिति जनकपुरधामले शनिबार पत्रकार सम्मेलन गरेर ९ बुदे माग अगाडि सारेको छ।
मन्चले २०२२ सालको नापी अनुसार वनका जग्गा नापी गरि सीमांकन गरौ र अतिक्रमणमा परेका जग्गाहरुमा पुन्ह वृक्षारोपन गरि वन जङ्गलमा परिणत गर्नुपर्ने माग गरेका छ्न । त्यस्तै मानव बसति रहित चुरे घोषण गरि चुरे क्षेत्रमा रहेका मानव वस्तिलाई व्यवस्थित गरी जिवन स्तरमा वृद्घि हुने गरि जिविको पार्जनमा सेवा पुग्ने व्यवस्था गर्नुपर्ने , चुरे क्षेत्र र खोला नालाबाट अवैध तरिकाले ढुङ्गा, गिट्टी, बालुवाको निकासी र चुरे क्षेत्र भित्र सञ्चालनमा रहेका क्रसर बन्द गर्नुपर्ने , चुरे सुरक्षा बल गठन गर्नुपर्ने , विकाशका नाममा आवश्यकता भन्दा बढी र विकल्प हुदा हुदै वन विनाश र चुरे विनाश हुने कार्य बन्द गर्नुपर्ने मधेश विकास मन्चका महासचिव अमन यादवले बताए ।
त्यस्तै साना, ठूला नदी र खोला नालालाई संरक्षण गर्नु तथा तटबंध लगाउनुको साथै नदी र खोल्लामा ड्यान निमार्ण गरि सिचाईको प्रयोगमा ल्याउनु पर्ने , बाटो, खोला, नालाको दुवै तिर र सार्वजनिक जग्गामा वृक्षारोपन गरिने निति नियम निमार्ण गर्नुपर्ने , खुल्ला चरिचरण बन्द गरि व्यवस्थित चरि चरणको व्यवस्था मिलाउनु पर्ने र वाढी पिडितलाई राहत र क्षतिपूर्तिको व्यवस्था गर्नुपर्ने जस्ता माग गरेको चुरे मधेश विकास मन्चका सचिव लक्ष्मी सिंह दुनवारले बताएका छ्न।
