न्यूजमधेश डेस्क
जनकपुरधाम,२७ जेष्ठ ।दुर्घटनामा परि ज्यान गुमाएका परिवारलाई गैर आवासीय मधेशी संघले आर्थिक सहयोग गरिएको छ।
धनुषाको कमला नगरपालिका ३ का रुपचन मण्डल तीन महिना अगाडि मोटरसाइकल दुर्घटनामा परि ज्यान गुमाएका थिए।उनलाई गैर आवासीय मधेशी संघ साउदीका सदस्य गोपाल मण्डलले ५० हजार सहयोग गरेका हुन।
सो रकम विदेशबाट पठाएपछि गोपालका बुबा राजलाल मण्डलले ज्यान गुमाएका मण्डलको श्रीमती केबली देवी मण्डललाई प्रदान गर्नुभएको हो।
उक्त रकम जनमत पार्टीका केन्द्रिय सदस्य रेखा मण्डल,पार्टीका युवा नेता गुड्डु यादवलगाइतको नेता कार्यकर्ताहरुको उपस्थितिमा ५० हजार आर्थिक सहयोग गरेको हो।
गैर आवासीय मधेशी संघले गरिब ,अपांग ,वैदेशिक रोजगारीको क्रममा ज्यान गुमाएको परिवारहरुलाई आर्थिक सहयोग गर्दै आइरहेको छ।
