न्यूजमधेश डेस्क
काठमाडाैं,२८ जेष्ठ । सत्तारुढ जनता समाजवादी पार्टी (जसपा)को विवाद उत्कर्षमा पुगेको छ । उपेन्द्र यादव पेलेरै अगाडि बढिरहेकाले पनि पार्टीमा फुट हुने निश्चितजस्तै भएको छ ।
सरकारमा रहेका मन्त्रीहरुको हेरफेर गर्ने विषयमा एकमत नभएको सत्तारुढ गठबन्धनभित्रका पार्टीहरुमा विभाजनको संकेत देखापरेको छ ।जसपाबाट सरकारमा सहभागी मन्त्रीहरु नफेरिने हो भने पार्टी नै विभाजन हुने स्थितिमा पुग्ने देखिन्छ ।
पछिल्लो समय उपेन्द्र यादव र बाबुराम भट्टराईबीच दूरी बढेकाले पनि जसपा फुट्न सक्ने अनुमान गरिएको छ ।लोसपासँग लचक देखिन थालेका यादवले एकलाैटी निर्णय गर्दै अगाडि बढेकाले पनि भट्टराइ नयाँ दल दर्ताकाे बाटाेमा अग्रसर भएका छन् ।
भट्टराईले नयाँ दल दर्ता गरेर नयाँ अभियानका साथ अगाडि बढ्न सक्ने सम्भावना बढेको छ।जसपा अध्यक्ष उपेन्द्र यादवले पनि पछिल्ला दिन मन्त्रीहरु नफेर्ने र चुनावसम्म गठबन्धनमा रहेर यही मन्त्रीहरुलाई निरन्तरता दिने संकेत गरेका छन् ।
उनले लोकतान्त्रिक समाजवादी पार्टीसँग फेरि एकता हुनसक्ने समेत अभिव्यक्ति दिँदै आएका छन्।यही कारण जसपामा पनि मन्त्रीहरु फेरिने सम्भावना कम छ ।
पार्टीभित्रका असन्तुष्ट पक्षले ६ महिनामा मन्त्रीहरु फेर्ने बताएर अहिले बेवास्ता गरेको आरोप उनीमाथि लाग्न थालेको छ ।
लोसपालाई सरकारतिर नजिकिन थालेको आरोप पनि लाग्न थालेको छ ।अहिले जसपामा १९ जना सांसद छन् । भटराइले यी मध्येबाट कति सांसद आफ्नो पक्षमा पर्लान त? भट्टराइलाइ नयाँ पार्टी खाेल्दा कतै एक्लै पाे पर्ने हाे कि भन्ने डर पनि छ ।
