मनोज मोरबैता
जनकपुरधाम,१० असार। पूर्वी धनुषाको कमला नगरपालिकाको छैठौं नगरसभा सफलतापुर्वक सम्पन्न भएको छ।
शुक्रबार भएको छैठौं नगरसभाबाट नगरपालिकाको अगामी आर्थिक वर्ष २०७९/०८० को लागि ५७ करोड बढी बजेट ल्याएको अनुमान गरिएको छ।शिक्षा ,स्वास्थ्य र कृषिलाई पहिलो प्राथमिकता राखी भौतिक पुर्वाधार निर्माणको अवधारणालाई मुख्य मुद्दा को रुपमा अगाडी बढाएको छ।
नगरपालिकाका नगरप्रमुख विशेश्वर यादवको अध्यक्षतामा भएको कार्यक्रममा नगरप्रमुख र प्रमुख प्रशासकीय अधिकृत सुबोध कुमार ठाकुरले आर्थिक वर्ष २०७९/०८० को बजेट प्रस्तुत गरिएको हो।
आर्थिक वर्ष २०७९÷०८० को लागि कुल ५७ करोड ३६ लाख ५३ हजार अनुमानित बजेट सार्वजनिक गरिएको हो। कमला नगरपालिका-२ माची झिटकहियास्थित नगरपालिकाको नवनिर्मित भवनमा नगरपालिकाका जनप्रतिनिधि,कर्मचारी ,सुरक्षाकर्मी ,संचारकर्मीको उपस्थितिमा बजेट सार्वजनिक गरिएको छ।
यता,कमला नगरपालिकाकी उपप्रमुख शिला देवी मण्डललगाइत २५ जना जनप्रतिनिधिहरुले आफू बमोजिम बजेट मांग गरेपछि उनिहरुलाई विषय गत शाखाहरुको बजेट कटौती गरेर नदिएपछि कार्यक्रममा सहभागी नभएको वडा सदस्य अमोद मरिकले बताए।
