न्यूजमधेश डेस्क
जनकपुरधाम,१४ असार । जनकपुरधामबाट पेस्तोल र गोलीसहित एक युवक पक्राउ परेका छन् ।
जनकपुरधाम उपमहानगरपालिका वडा नम्बर–९ थापाचोक बस्ने ३७ वर्षीय मनिष अधिकारीलाईपेस्तोल र गोलीसहित नियन्त्रणमा लिइएको प्रहरीले जनाएको छ ।
सोमबार राति मनिषको घरको छतमाथि गोली चलेको सूचना प्राप्त हुनासाथ जिल्ला प्रहरी कार्यालयबाट खटिएको प्रहरी टोलीले घटनास्थलमा पुगी घरको खानतलासी गर्दा किचन कोठाको टपमाथि लुकाई राखेको अवस्थामा गोली लोड गरेको म्याग्जिन सहितको पेस्तोल फेला परेको जिल्ला प्रहरी कार्यालय धनुषाका प्रवक्ता प्रहरी नायव उपरीक्षक प्रदिपबहादुर क्षेत्रीले जानकारी दिए ।
मनिषले आफ्नो श्रीमतिसँग घरायसी वादविवाद हुँदा घरमै लुकाएर राखेको पेस्तोलबाट गोली चलाएको देखिएको प्रहरीको भनाई छ ।
पक्राउ परेका उनीमाथि हातहतियार तथा खरखजाना मुद्दा शिर्षकमा म्याद थप गरी अन्य अनुसन्धान कार्य भईरहेको प्रहरीले जनाएको छ ।
