सिकेन्द्र पासवान ,कलैया। प्रदेश नं २ का भौतिक पूर्वाधारमन्त्री जीतेन्द्र सोनलले बाराको परवानीपुर गाउँपालिका -५ मा शनिबार धर्मशाला उद्घाटन गरेको छ।
बाराको परवानीपुर गाउँपालिका वडा नं ५ बहुअरी नेवतनमा निर्मित रामजानकी धर्मशालाको आज उद्घाटन गर्दै मन्त्री सोनलले भने विकास र समृद्धिमा प्रदेश सरकारको ध्यान केन्द्रित भएको बताए ।
उनले सङ्घीयताको मूलमन्त्र नै विकास भएको हँुदा प्रदेश नं २ का ८ जिल्लामा पनि सडक, पुल पुलेसा, कल्र्भट , मठमन्दिर, मस्जिद र धर्मशाला निर्माण कार्यलाई तीव्र पारिएको जानकारी दिनुभयो ।
कार्यक्रममा निर्वाचन क्षेत्र नं ४ का सांसद् एकवाल मियाँ, जिल्ला समन्वय समितिका संयोजक नवलकिशोर सिंह, परवानीपुर गाउँपालिकाका अध्यक्ष हरिनारायण साह, अधिवक्ता रामचन्द्र सिंह, राजपा निर्वाचन क्षेत्र नं ४ का अध्यक्ष सीताराम गुप्ता, नेताहरु सञ्जु साह, सुरेश साह, अनिल राम, अजय पटेल लगायतको सहभागिता थियो । परवानीपुर गाउँपालिकाको करीब रु ६० लाखको लागतमा सो धर्मशाला निर्माण भएको हो ।
