सुनिता बराल
महोत्तरी ,६ श्रावण । महोत्तरीको रातु नदीमा मध्यरातमा अवैध उत्खनन् गर्ने दुई वटा सवारीसहित दुई चालक र एक सहचालकलाई प्रहरीले नियन्त्रणमा लिएको छ ।
साउन ५ गते राति १२ बजे खोला उत्खननमा प्रयोग गरिएको ८ ख ४७३७ नम्बरको टिपर र अन टेस्ट लोडरसहित दुई चालक र एक जना सहचालकलाई नियन्त्रणमा लिएको जिल्ला प्रहरी कार्यालय महोत्तरीले जनाएको छ ।
मध्यरातमा खोला खनिरहेको सूचना पाएपछि बर्दिवास ८ मा रहेका प्रहरी चौकी हात्तिलेटबाट गएको प्रहरी टोलीले साधनसहित चालक र सहचालकलाई नियन्त्रणमा लिएको प्रहरीले जनाएको छ ।
प्रहरी नियन्त्रणमा रहेका सवारीसहित पक्राउ परेका व्यक्तिलाई आवश्यक कारबाहीका लागि जिल्ला समन्वय समिति जलेश्वर पठाइएको जिल्ला प्रहरी कार्यालय महोत्तरीका प्रहरी प्रवक्ता प्रकाश विष्टले जानकारी दिए ।
