न्यूजमधेश डेस्क
जनकपुरधाम,१० श्रावण । संस्थामा अनियमितता भएको भन्दै समाचारहरु बाहिरिएपछि जनकपुर जेसीजले यसको छानबिनका लागि समिति बनाउने भएको छ ।
समिति बनाउनका लागि जेसीजले बुधबार साधारणसभा आह्वान गरेको छ । समाचार मार्फत् आएका बिषयको बारेमा छलफल गर्दै त्यस सम्बन्धी छानबिनका लागि समिति बनाउने उद्देश्यले साधारण सभा आह्वान गरिएको जनकपुर जेसीजका अध्यक्ष राज कुमार साहले बताएका छन् ।
अध्यक्ष साहसहितकाले मंगलबार साँझ पत्रकार सम्मेलन गर्दै उक्त जानकारी गराएका छन् । अध्यक्ष साहले मिडिया र समाजिक सञ्जालमा जनकपुर जेसिजलाई जोडेर अनियमितता सहितको विवादित समाचारहरु प्रकाशन भएपछि त्यहीं बिषयमा छलफलका निम्ति साधारणसभा बोलाइएको बताए ।
जेसिजका उपाध्यक्ष, महासचिव र कोषाध्यक्ष मिलेर व्यापक रुपमा जेसिज विरुद्वको गतिविधीहरु गरिरहेको भन्दै उनीहरु सहितका लाई स्पष्टीकरण सोधिएको अध्यक्ष साहको भनाई छ ।
साधारणसभाबाट सम्पुर्ण घटनाको छानविनका लागि समिति बनाउने र दोषिलाई कार्वाही हुने उनले बताएका छन् । आफुलाई अध्यक्ष भन्दै विभिन्न पदाधिकारीहरु समानान्तर गतिविधी गरिरहेको भन्दै उनले जेसिजमा भएको अनियमितताको खोजतालस गर्दै गर्दा आफु विरुद्व षडयन्त्र भइरहेको समेत उनले बताए ।
