न्यूजमधेश डेस्क
जनकपुरधाम,१२ श्रावण ।धनुषाको कमला नगरपालिकाका जनप्रतिनिधिहरुलाई विपद व्यवस्थापन सम्बन्धि २ दिने क्षमता अभिवृद्धि तालिम बिहीबार सम्पन्न भएको छ।
भुकम्प प्रविधी राष्ट्रिय समाज नेपालको आयोजनामा कमला नगरपालिकाको कार्यलय माची झिटकहियास्थित जनस्वास्थ्य कार्यलयमा बुधबार सुरु भएको कार्यक्रम बिहिवार बेलुका सकिएको छ।
तालिममा सहभागीहरुलाई दुई दिनसम्म प्राकृतिक विपद आउनु अघि, आएको समयमा र विपद आइसकेपछि जोखिम न्यूनीकरण गर्न कसरी तयारी गर्ने ? भन्ने बारेमा तालिम प्रदान गरिएको मुख्य प्रशिक्षक सितेश यादवले बताउनुभयो।
उक्त तालिममा कमला नगरपालिकाका नगर प्रमुख विशेश्वर यादव,उपप्रमुख शिला देवी मण्डल ,वडा नम्बर १ देखि ९ सम्मका वडाध्यक्षहरु,कार्यपालिका सदस्यहरु,सुरक्षाकर्मी ,समाजसेवी अभियन्तालगाइतका सहभागितामा यो तालीम प्रदान गरिएको हो।
