न्यूजमधेश डेस्क
जनकपुरधाम,१५ श्रावण ।कमला नगरपालिकाका युवाहरुको साझा संगठन कमला युवा संजालले वडा स्तरीय क्रीकेट र फुटबलको टुनामेच गर्ने निर्णय गरेको छ।
शनिबार कमला नगरपालिका – ९ का वडा कार्यलयमा कमला युवा संजालका सचिव चन्द्रदीप यादवको अध्यक्षतामा बसेको बैठकबाट यस्तो निर्णय गरेका हुन।
सो बैठकमा विगतमा गरेका कार्यक्रमहरुको बारेमा समिक्षा गर्दै संजालको आफ्नै भवन निर्माण गर्ने निर्णयसमेत गरेको संजालका सदस्य ई.सन्तोष यादवले बताएको छ।उनका अनुसार अब केहि दिनमा नगरपालिका भित्र रहेका सरकारी विद्यालयहरुलाई समेटर हाजरी जवाफ प्रतियोगिता गराउनेजस्ता ६ वटा निर्णय गरेको हो।
उक्त बैठकमा संजालका कोषाध्यक्ष इसराफिर राईन,उमेश यादव,राम जुनुम यादवलगाइतका संजालका पदाधिकारीहरुको उपस्तिथिमा निर्णयहरु पारित भएको छ।
