न्यूजमधेश डेस्क
जनकपुरधाम,७ भाद्र।धनुषा जिल्लाको विभिन्न स्थानबाट ४ लाख ६५ हजार ९५० रुपियाँ मुल्यको अवैध खाद्यन्न तथा लत्ताकपडा प्रहरीले बरामद गरेको छ ।
जिल्ला प्रहरी कार्यालय धनुषाका प्रवक्ता तथा प्रहरी नायव उपरीक्षक प्रदिपबहादुर क्षेत्रीले सोमबार राती नगराइन नगरपालिका, विदेह नगरपालिका र धनौजी गाउँपालिकास्थित भारतीय सीमा नजिकबाट सो सामानहरु बरामद भएको बताए ।
भारतबाट भन्सार छलेर लुकिछिपी ल्याइरहेको अवस्थामा प्रहरी गस्ती टोलीलाई देखेर तस्करहरुले सामान छोडेर भागेको हुनसक्ने अनुमान प्रहरीको छ ।
वेवारिस अवस्था भेटिएका सामानहरु आवश्यक कारवाहीका लागि भन्सार कार्यालय जनकपुरमा पठाइएको प्रहरी निरीक्षक क्षेत्रीले जानकारी दिए ।
