न्यूजमधेश डेस्क
जनकपुरधाम,२४ असोज । नेकपा एमालेबाट धनुषा क्षेत्र नम्वर २ मा उम्मेदवार बनेका पूर्वमन्त्री उमाशंकर अरगरियाप्रति जनतामा क्रेज बढ्दै गएको छ ।
०७४ मा भारी मतले विजयी भएका अरगरियाको पक्षमा यो पटक पनि जनलहर बढ्दै गएको छ । उनको उम्मेदवारी दर्ता गराउन हजारौं जनता उर्लिका थिए । अन्य पार्टीका नेता कार्यकर्ता पनि अरगरियालाई जिताउन कम्मर कसेको स्थानीय बताउँछन् ।
अरगरिया पुनः चुनाव जित्नुपर्छ भन्दै नेकपा एकिकृत समाजवादीका दर्जनौं कार्यकर्ता आज नेकपा एमालेमा प्रवेश गरेका छन् । कमला नगरपालिका ४ का समारोहबीच एकिकृत समाजवादीका नेता कार्यकर्ताहरु उम्मेदवार अरगरिया र प्रदेशसभा सदस्य उम्मेदवार लखन दासको हातबाट टिका थापेर एमालेमा प्रवेश गरे ।
नवप्रवेशी राजलाल यादव, विनोद यादव, कुलदेव यादव, बलराम यादव, उदय यादवलगायतलाई उम्मेदवारद्वय अरगरिया र दासले स्वागत गरेका छन् ।
