न्यूजमधेश डेस्क
विराटनगर, १९ कात्तिक । जनमत पार्टीका केन्द्रीय अध्यक्ष सीके राउतले मुलुकको विकासका लागि भ्रष्टाचार नियन्त्रण गरी सुशासन कायम गर्नुपर्ने बताएका छन् ।
विराटनगर–६ स्थित रामपुरमा शुक्रबार आयोजित सभालाई सम्वोधन गर्दै उनले पार्टी उम्मेदवारलाई निर्वाचन बिजयी गराई मुलुकमा रहेको भष्टाचारको जरो उखेल्ने कार्यमा सहयोग पु¥याउन आग्रह गरे ।
उनले सङ्घीयता स्वायत्ताका साथ लागु भएमा सुकुम्वासीका समस्या समाधान हुने धारणा राख्दै किसान, मजदुरको हक अधिकारीका लागि लड्ने यो पार्टीका उम्मेदवारलाई बिजयी बनाई नीति निर्माण तह पु¥याउनु पर्नेमा जोड दिए ।
अध्यक्ष राउतले जनता राज कायम गर्न,युवाहरुलाई वैदेशिक हैन स्वदेशमै घरघरमा रोजगारी र मुलुकमा चमत्कार किसिमले विकासको पूर्वाधार निर्माण गर्ने प्रतिवद्धता व्यक्त्त गर्दै अन्यलाई धेरै पटक मौका दिएपनि यस पटक आफ्ना उम्मेदवारहरुलाई बिजयी गराउन आग्रह गरे ।
