न्यूजमधेश डेस्क
सिरहा ,२० कार्तिक। स्थानीय कार्यपालिका तथा सोका पदाधिकारीलेहरुले कुनै पनि राजनीतिक दल वा उम्मेदवारका पक्ष वा विपक्षमा प्रचारप्रसारमा संलग्न हुन नहुने कुरा निर्वाचन आचारसंहितामा उल्लेख छ ।
तर, निर्वाचनको सरगर्मी बढेसँगै स्थानीय सरकार जनप्रतिनिधिहरू खुलेर उम्मेदवारको पक्षमा प्रचारप्रसारसँगै भेला सभा र मतदाताका घरघरमा भोट माग्न पुगिरहेका छन् ।
साझा पद धारण गरेका व्यक्तिहरुले खुलेर प्रचारप्रसार तथा भोट माग्न गाउँ गाउँ जाँदा निर्वाचन आचारसंहिताको नै धज्जी उडिरहेको नेपाली कांग्रेसबाट सिरहाको बरियारपट्टी गाउँपालिका ४ का वडाध्यक्ष नविन कुमार यादवले घरदैलो कार्यक्रममा जनताको घरघर पुगेर भोट मान्दै घुमिरहेको छ ।
वडाध्यक्ष यादवले सिरहा क्षेत्र नं . २ मा कांग्रेसकी उम्मेदवार चित्रलेखा यादवसंगै घरदैलो कार्यक्रममा घुमिरहेको स्थानीयवासीले बताउँछन् ।निर्वाचनको रौनकसँगै स्थानीय सरकारका वडाध्यक्षहरु खुलेर पार्टीको प्रचारप्रसारमा गर्दै हिँडिरहेका छन् ।
