शैलेन्द्र महतो,जनकपुरधाम : जिल्ला अदालत महोत्तरीका नापी सर्वेक्षक १ लाख ५० हजार रुपैयाँ घुस सहित रंगेहात पक्राउ परेका छन् । पक्राउ पर्नेमा जिल्ला अदालत महोत्तरीका नापी सर्वेक्षक मोहन यादव रहेका छन् ।
अख्तियार दुरुपयोग अनुसन्धान आयोगको कार्यालय बर्दिबासको टोलीले बुधबार साँझ जलेश्वर नगरपालिका–२, खैराचोकबाट घुस रकम सहित रंगेहात पक्राउ गरेको जनाएको छ ।
सर्वेक्षक यादवले घर नक्सा अनुसार नभएको भनि विभिन्न बहाना बनाई मुद्दा मिलाई दिन्छु भनि एक सेवाग्राहीबाट १ लाख ५० हजार घुस लिर्दै गरेको अवस्थामा अख्तियारको टोलीले रंगेहात पक्राउ गरेको जनाएको छ ।
उनले घुस मागेपछि सेवाग्राहीले अख्तियारमा जानकारी गराएका थिए । सोहि अनुसार खटेको अख्तियारको टोलीले सर्वेक्षक यादवलाई घुस सहित पक्रेको हो । यादवमाथि थप अनुसन्धान भइरहेको आयोगले जनाएको छ ।
