न्यूजमधेश डेस्क
काठमाडौं ,१० माघ। जनमत पार्टीका अध्यक्ष तथा प्रतिनिधि सभा सांसद डा.सीके राउतले बोल्न दिइएको समयबारे प्रश्न उठाएका छन्।
ठूला दलका सांसदलाई धेरै समय र साना दलका सांसदलाई थौरै समय दिइएकोमा उनले आपत्ति जनाएका हुन्।
‘संसदमा धन्यबाद दिनका लागि नै कसैलाई ९० मिनेट र कसैलाई ५ मिनेट समय छुट्याउनु कसरी उपयुक्त हो?,’ उनले भने, ‘एउटै क्रियाको लागि फरक समय? त्यसो भए ९० सिट ल्याएको पार्टीको सांसदलाई चिया वा बाथरूम जान पनि ९० मिनेट र एक सिट भएको पार्टी वा स्वतन्त्र सांसदलाई १ मिनेट छुट्याउनुपर्ने हो।’
संसदमा सांसदलाई बोल्न समय दिनुअघि सभामुखले समय तोक्ने प्रचलन छ।
